前段时间，有媒体发现伴随80后90后长大的“状仔”状元坊已经人去楼空。于是大家都感叹，时间让我们越来越富有以外，更加让一些以前的东西逐渐消失。下面十几样老行当，有的已经绝迹，有的正在逐渐消亡，有的正在凭自己努力挽救这个职业：
磨铲刀磨鉸剪
现状：几乎灭绝
剪刀广州话叫鉸剪。点解要磨？因为当年旧社会物资短缺，而老一辈都有勤俭节约嘅美德。刀同鉸剪用耐左都会磨蚀，呢个时候就系要去搵专门嘅磨刀磨鉸剪嘅人用磨刀石重新将刀具磨翻锋利。宜家用坏左就换过把，以前一把刀用超过十年完全唔系问题。
拉煤球三轮车
现状：几乎灭绝
自从瓶装煤气、管道天然气普及以后，煤球就好少见。实际上几十年前几乎家家户户都系烧蜂窝煤加热，而呢啲蜂锅煤需要有人去运，就好似以前有送瓶装气一样。只不过以前用离送蜂锅煤嘅系三轮车。在横街窄巷，拉蜂窝煤嘅三轮车随处可见
上海理发店
你宜家花几百蚊剪一次果嘀叫发型沙龙，剪几剪再用啲发蜡帮你gel几下就觉得好潮。但你知唔知以前嘅理发店系帮你剪完发刮埋胡须？简直系五星级享受，关键系只要几蚊鸡，最重要系街坊之间嘅人情味。现在的回忆就是停留在那张全铸的理发椅和后面挂着的一条牛皮……
卖烂嘢：
一部三轮车，伴随着“收卖烂嘢”嘅吆喝，这是老城区横街窄巷最熟悉嘅风景。虽然宜家都有废品回收站，仍然有收购旧家具嘅人，但系“收买佬”呢个词正逐渐消失，伴随着老城区那些被拆迁的街道湮灭在高楼大厦中。
打铜
以前不锈钢仲未有咁普及嘅时候，铜器系广州人十分普遍嘅餐具。因为铜器相对比铁更加耐用，而且更加坚固。恩宁路一带都有十分多铜器店，从茶壶到铜煲，几乎所有铜制用具都有。后来不锈钢嘅出现令铜制品逐渐退出市场，铜器店执完一间又一间。近几年天程铜器铺将铜器打造成时尚家居，铜器店先重见天日，不过性质已经从家用品变成装饰品咯。
炭画画师
现状：仅存少部分
有数码冲印之前，垂老之人为左过身以后保留自己生前嘅容貌，都会搵炭画师帮佢地素描一张炭画。一张炭画嘅完成十分费时费力，当然价钱亦不菲。由于炭本身嘅化学性质稳定，一张炭画可以保留几十年都唔褪色。但系宜家莫讲话炭素打印，连3D打印都有了，已经有越来越少嘅人会愿意几百蚊兼花时间去等一张自己嘅炭画。
面塑
现状：仅存少部分
在物质短缺嘅旧时代，唔好话无ipad，细路仔连玩具都系好普通嘅人偶。于是街上就有好多呢啲面塑小摊档，将面粉加上色素，再配合面塑师傅高超嘅造型手艺，猪八戒、孙悟空……一个个惟妙惟肖嘅卡通公仔就活灵活现。由于面塑嘅原材料系面粉，所以呢啲公仔一般好难摆过夜……点解？因为第二朝你就会发现公仔少个头或者少只手——被老鼠咬晒囖
线面
现状：仅存少部分
呢个线面嘅线系动词，面系名词，指用线将面上嘅毛刮走，一项非常有难度嘅手艺，通俗啲又叫“拉面毛”。以前边有咁多蜗牛面膜睡眠面膜，想靓靓就要去线面，“线”一次块面好似剥壳鸡蛋咁滑！但系咁刮痛唔痛？专业嘅线面师傅一啲都唔痛。
织藤工
现状：仅存少部分
广州处于亚热带季风气候，几乎大半年都系夏天。以前无咁多钱装空调装风扇，家家户户瞓藤席藤椅系好平常嘅事。于是就有织藤工嘅存在，由佢地织出离嘅藤席耐用又凉爽，最重要系越瞓会越有感觉。宜家仲有少量嘅，据我所知海珠区就仲有卖藤席嘅专门店。
修表师傅
现状：越来越少
80年代，一只机械手表已经算系好威嘅行头，一般有钱人先买得起。咁贵嘅表，唔小心坏左，当然要去搵修表师傅！表带、表壳、表芯……无论几精密嘅手表去到师傅度都可以帮你药到病除。呢啲师傅仲有一种绝技，就系用眼夹住放大镜，同时两只手又可以灵活操作。好多人觉得宜家大家用手机以后好少戴表，修表行当会逐渐息微。但其实好多表行自己都会有修表师傅，价格仲不菲添。
补镬箍煲
现状：几乎绝迹
呢个行业唔系帮你挽救爱情，而系真系帮你补镬同箍煲！旧阵时镬烧坏左边有钱买多个，都要拜托补镬佬帮手补镬。而瓦煲碎左点办？总有人会用高超嘅技术帮你箍翻好个煲（煲烂左系用箍嘅），仲可以做到滴水不漏，呢下就系技术。宜家镬烂左？买过个新嘅囖……
补鞋佬
现状：越来越少
宜家有钱就话一年换几对鞋，对对都差唔多成千蚊。但系以前鞋烂左点算？去搵补鞋佬，几烂都有得补。无论系鞋底定鞋面，只要你要补，佢都可以帮你补翻好，补完仲堪过原先！所以补鞋佬都系细路仔嘅噩梦，因为有补鞋佬，佢地唔使霖有新鞋着。我就识得一个补鞋佬，可以将烂左嘅皮鞋重新用皮拼接，最绝系不留痕迹，根本搵唔到接口。
以上的老行当，有的是因为物质越来越丰饶，已经渐渐不需要再去修修补补；有的是时代已经改变，不需要这个职业服务；有的是这个行业所关联的物件已经过时……
不论怎样，职业会过时，但情怀永远青春常驻。
“祈求旧人万岁，旧情万岁，别随便老去。时光这个坏人，偏却冷酷如许，停留慢些也不许”
连续日日原创精彩文章+搜罗有趣内容，你订阅了吗？
与其他人截然不同的微信公众平台——黑色污染美食手册
搜索：hswrfood 添加！
版权声明：CosMeDna所有作品（图文、音视频）均由用户自行上传分享，仅供网友学习交流。若您的权利被侵害，请联系删除！
本文链接：//www.cosmedna.com/article/342592592.html
